Brighton hélt góðu gengi sínu í Championship deildinni áfram í kvöld með 2-0 sigri á Leeds á heimavelli sínum.

Þeir byrjuðu betur og komust í 1-0 á 24. mínútu en þá skoraði Glenn Murray úr víti sem dæmt var á Kalvin Phillips en Phillips varði þá boltann með hendinni á marklínu og var honum hent upp í stúku fyrir vikið.

Brighton bætti svo við öðru marki undir lokin úr annarri vítaspyrnu og þar við sat.

Með sigrinum komst Brighton í toppsætið en þeir eru tveim stigum á undan Newcastle sem á leik inni.

Leeds er í 4. sæti, tíu stigum á eftir Brighton.