„Við fengum nóg af færum. Sérstaklega í seinni hálfleik, síðustu 15-20 mínúturnar og hefðum hæglega getað skorað alveg 2-3 mörk þarna en stundum er þetta bara svona. Þær voru frekar agressívar í varnarleik sínum, það var svolítið erfitt að brjóta á bak vörnina þegar við komum þarna upp, við fengum færi til þess en það kemur bara næst,” sagði Ray Anthony.

Ray Anthony taldi þá úrslitin nokkuð sanngörn í heild sinni en um kaflaskiptan leik var að ræða.

„Miðað við hvernig við mættum í fyrri hálfleikinn, það er rétt. Það var allt annað lið sem mætti í seinni hálfleikinn og við verðum bara að gera meira af þessu.”

Grindavík er nýkomið úr æfingaferð frá Spáni sem heppnaðist vel. Ray hefði þó viljað sjá meira frá leikmönnum sínum í dag.

„Fyrri hálfleikurinn var bara alls ekki nógu góður, þetta var eins og fyrsti leikur sumarsins. Þetta 17 daga frí gerir það að verkum að við missum smá stemningu yfir leik okkar sem var komið fyrir en jújú, við æfðum við bestu aðstæður úti og gátum alveg skorað miklu miklu fleiri mörk en þetta. Jafntefli miðað við fyrri hálfeikinn, jújú sanngjörn úrslit.”

Viðtalið má sjá í heild sinni í spilaranum hér að ofan.