„Ég verð að taka á mig sökina á þessu tapi. Það var einföld aðgerð að setja boltann úr leik (í fyrra markinu) en ég vil halda boltanum í leik. Svipað var uppi á teningnum í seinna markinu," sagði Toure.

„Mér er illa við að gera mistök en þetta kemur fyrir. Ég er 35 ára og geri mistök eins og ég sé að hefja ferilinn."

Stuðningsmenn Celtic hafa tekið upp hanskann fyrir Toure á Twitter og senda leikmanninum stuðningsyfirlýsingar á færibandi. Brendan Rodgers, stjóri Celtic, hafði þetta að segja eftir leikinn:

„Kolo Toure hefur verið stórgóður síðan hann kom til okkar og enginn er að gera hann að einhverjum sökudólgi," sagði Rodgers.

Celtic er á botni C-riðils með aðeins eitt stig að loknum þremur umferðum og þarf á kraftaverki að halda til að komast upp úr riðlinum.