2. flokkur Breiðabliks varð auðveld bráð gríðarlega sterks unglingaliðs hollenska stórliðsins Ajax í Evrópukeppni unglingaliða.
Liðin mættust í Hollandi í dag í leik sem Ajax vann 4-0. Ajax vann 3-0 í Kópavoginum í október og kemst því áfram með samanlögðum 7-0 sigri.
Liðin mættust í Hollandi í dag í leik sem Ajax vann 4-0. Ajax vann 3-0 í Kópavoginum í október og kemst því áfram með samanlögðum 7-0 sigri.
Belgíski miðjumaðurinn stórefnilegi Francesco Antonucci skoraði fyrsta mark leiksins í dag en markið sem sóknarmaðurinn Kaj Sierhuis skoraði og kom Ajax í 2-0 var það fallegasta í leiknum.
Markið má sjá í myndbandinu hér að neðan
Mees de Wit skoraði þriðja markið en lokaorðið átti Boy Kemper.
Yfirburðir Ajax voru algjörir og markvörður Blika í yfirvinnu, hollenska liðið átti 12 skot á markið en Kópavogsliðið 0.
Athugasemdir
