Reading er búið að tala við Milinko Pantic, fyrrum sóknarmann Atletico Madrid, um að taka við sem stjóri liðsins.
Hinn 49 ára gamli Serbi var í Lundúnum í síðustu viku og ræddi þá við forráðarmenn félagsins um stjórastarfið.
Pantic, sem þjálfaði síðast lið í Aserbaídsjan, var í lið Atletico sem vann tvennuna á Spáni árið 1996.
Brian McDermott var rekinn frá Reading á föstudaginn, en Jaap Stam, fyrrum leikmaður Man. Utd, er sagður efstur óskalista félagsins.
Stam sem er 43 ára gamall hætti nýverið sem aðstoðarstjóri varaliðs Ajax í Hollandi.
Hann er nú sagður efstur á óskalista Reading ásamt Pantic, en Reading endaði í 17. sæti í Championship deildinni á nýliðnu tímabili.
Athugasemdir