Nígeríski táningurinn Ibrahim Hafiz Umar er genginn til liðs við Chelsea þar sem hann æfir með aðalliðinu og varaliðinu á nokkurra vikna reynslusamningi.
Umar er 18 ára gamall og tókst Chelsea að stela honum undan nefinu á norska félaginu Bodö/Glimt, sem ætlaði að kaupa táninginn fyrir hálfa milljón evra, eða rúmlega 75 milljónir íslenskra króna.
Bodö/Glimt var búið að ná samkomulagi við Ojodu City Academy um kaupverð þegar Chelsea setti sig í samband við leikmanninn.
Umar vildi hiklaust fara til Chelsea á reynslu frekar en að skrifa undir samning við Bodö/Glimt, en Raheem Sterling hjálpaði Umar við ferlið.
Chelsea mun taka ákvörðun um framtíð táningsins í apríl. Ef hann er nægilega góður þá fær hann samning hjá félaginu, annars verður hann sendur aftur til Nígeríu.
Athugasemdir