UEFA hefur ákært Gianluigi Buffon, markvörð Juventus, fyrir ummæli sem hann lét falla eftir að liðið datt út úr Meistaradeildinni gegn Real Madrid í síðasta mánuði.
Buffon fékk beint rautt spjald fyrir mótmæli eftir að Oliver dæmdi vítaspyrnu undir lok leiks gegn Real Madrid á Santiago Bernabeu. Allt stefndi í framlengingu þar til vítaspyrnan var dæmd og Cristiano Ronaldo skaut Real áfram.
Buffon fékk beint rautt spjald fyrir mótmæli eftir að Oliver dæmdi vítaspyrnu undir lok leiks gegn Real Madrid á Santiago Bernabeu. Allt stefndi í framlengingu þar til vítaspyrnan var dæmd og Cristiano Ronaldo skaut Real áfram.
„Þetta var ekki einu sinni næstum því vítaspyrna," sagði Buffon reiður eftir leik.
„Liðið gaf allt sitt. Manneskja á ekki að geta eyðilagt drauma eins og hann gerði eftir þessa ótrúlegu endurkomu. Hann er með ruslatunnu í stað hjarta."
Hinn fertugi Buffon á nú von á banni frá UEFA en aganefnd tekur málið fyrir þann 31. maí.
Athugasemdir