Brasilíski sóknarmaðurinn Richarlison hjá Everton hefur verið að ganga í gegnum markaþurrð. Hann er markahæstur hjá liðinu á þessu tímabili, með níu mörk, en hefur ekki skorað í síðustu fimm leikjum.

Marco Silva hefur verið að spila Richarlison sem fremsta manni en ekki á vængnum. Hann hyggst ekki breyta því.

„Richarlison getur bæði spilað á vængnum og sem sóknarmaður. Nú er hann að spila sem fremsti maður. Ég veit að hann skorar ekki með sama millibili núna og hann gerði en hann mun fara að skora aftur," segir Silva.

„Hann hefur ekki skorað síðan á öðrum degi jóla en hann getur spilað sem fremsti maður, eins og Cenk Tosun og Dominic Calver-Lewin. Honum líður eins vel í þeirri stöðu og hann gerir á vængnum. Það er okkar að ákveða hvar hann spilar."

Everton heimsækir Southampton á morgun en liðið hefur aðeins unnið tvo af síðustu níu leikjum og ljóst að erfitt verður að landa Evrópusæti.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit