Inter er komið með fimmtán stiga forystu á toppnum í Seríu A eftir að hafa unnið Genoa, 2-1, á Giuseppe Meazza-leikvanginum í kvöld.

Eftir 2-1 tap Juventus gegn Napoli í gær var það ljóst að Inter gæti sett nokkra fingur á titilinn með sigri í dag.

Alexis Sanchez, sem hefur verið fremur slakur á tímabilinu til þessa, átti þátt í báðum mörkunum. Hann lagði upp fyrra markið fyrir Kristjan Asllani og skoraði síðan síðara úr vítaspyrnu átta mínútum síðar.

Johan Vasquez kom Genoa aftur inn í leikinn með marki snemma í síðari er hann hamraði boltanum rétt fyrir utan teig og í netið.

Albert Guðmundsson var í byrjunarliði Genoa og náði að skapa nokkur góð færi fyrir Genoa, en hans menn náðu ekki að nýta sér það.

Lokatölur 2-1 fyrir Inter sem er nú með 72 stig, fimmtán stigum á undan Juventus þegar ellefu leikir eru eftir af deildinni. Genoa er í 12. sæti með 33 stig.