Fotbolti.net
11.12.20 - 14:25
Elvar Geir Magnússon

Sögur um að Guðlaugur Victor íhugi að spila á Íslandi

Guðlaugur Victor Pálsson.

Guðlaugur Victor Pálsson.

Canon

Mynd: Fótbolti.net - Hafliði Breiðfjörð

Sögusagnir hafa verið í gangi um að landsliðsmaðurinn Guðlaugur Victor Pálsson gæti verið á heimleið og spili mögulega í Pepsi Max-deildinni á næsta ári.

Sagt er að hann gæti snúið heim til Íslands af persónulegum ástæðum en þessi 29 ára leikmaður er lykilmaður hjá þýska B-deildarliðinu Darmstad.

Guðlaugur Victor er miðumaður sem hefur stimplað sig vel inn í landslið Íslands þar sem hann spilar oftast sem hægri bakvörður.
Í hlaðvarpsþættinum Dr. Football talaði Kristján Óli Sigurðsson um að KR væri að leiða baráttu við Val um að fá leikmanninn.

Þegar Fótbolti.net bar þessar sögur undir Guðlaug Victor í vikunni sagði hann að ekkert væri til í því að hann væri á heimleið.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.