Jadon Sancho er mikið á milli tannana á fólki. Hann er líklegur til þess að færa sig um set frá þýska félaginu Borussia Dortmund í næsta félagaskiptaglugga.
Í slúðrinu í morgun kom fram að Sancho hefði ekki áhuga á að fara til Chelsea. Sancho hefur hvað mest verið orðaður við Manchester United.
Sancho, sem er tvítugur að aldri, hefur slegið í gegn með Dortmund frá því hann kom til félagsins frá Manchester City árið 2017. Talið er að hann gæti kostað um 100 milljónir punda.
Hann var með Instagram Live í gærkvöldi þar sem hann svaraði spurningum aðdáenda sinna. Hann fékk auðvitað margar spurningar um framtíð sína, en reyndi að svara þeim ekki.
Í gærkvöldi er Sancho var á Instagram fór svo í dreifingu myndband á samfélagsmiðlum sem gerði stuðningsmenn Manchester United mjög spennta.
Einn aðdáandi Sancho skrifaði: „Taktu vatnssopa ef þú ert að fara til United."
Sancho brosir þá í myndavélina og fær sér vatnssopa.
Þetta gerði stuðningsmenn Manchester United mjög spennta og telja þeir að þarna hafi Sancho verið að senda skilaboð um það að hann verði á næstunni leikmaður Manchester United. Það þarf reyndar voðalega lítið til að gera fótboltaáhugamenn spennta þessa stundina þar sem enginn fótbolti er í gangi vegna kórónuveirufaraldursins.
Jadon Sancho confirms he'll sign for Manchester United this summer. 😉 pic.twitter.com/VrJVoN8JaZ
— 360Sources (@360Sources) April 12, 2020
Athugasemdir