Lars Lagerbäck og Heimir Hallgrímsson, þjálfarar íslenska A-landsliðsins í knattspyrnu, voru rétt í þessu að tilkynna hópinn sem mætir Kasakstan ytra í undankeppni Evrópumótsins sem og Eistlandi í vináttuleik.
Eiður Smári Guðjohnsen, sem hefur verið magnaður með liði Bolton frá því hann samdi við liðið í desember er kominn aftur í hópinn en hann gaf það út eftir leikina gegn Króatíu að landsliðsskórnir væru komnir á hilluna.
Þeir eru hinsvegar komnir aftur af hillunni en hann hefur gert fjögur mörk í sextán leikjum í ensku fyrstu deildinni.
Theodór Elmar Bjarnason er frá vegna meiðsla en hann hefur reynst íslenska liðinu afar mikilvægur í undankeppninni. Sölvi Geir Ottesen er einnig frá vegna meiðsla.
Guðlaugur Victor Pálsson, Hörður Björgvin Magnússon og Haukur Heiðar Hauksson eru einnig í hópnum en hægt er að sjá hann í heild sinni hér fyrir neðan.
Landsliðshópurinn:
Markmenn:
Hannes Þór Halldórsson - Sandnes Ulf
Ögmundur Kristinsson - Randers
Ingvar Jónsson - Start
Varnarmenn:
Kári Árnason - Rotherham United
Ragnar Sigurðsson - FC Krasnodar
Hörður Björgvin Magnússon - Cesena
Birkir Már Sævarsson - Hammarby
Jón Guðni Fjóluson - Sundsvall
Ari Freyr Skúlason - OB
Hallgrímur Jónasson - OB
Haukur Heiðar Hauksson - AIK
Miðjumenn:
Aron Einar Gunnarsson - Cardiff City
Gylfi Þór Sigurðsson - Swansea City
Emil Hallfreðsson - Hellas Verona
Jóhann Berg Guðmundsson - Charlton Athletic
Birkir Bjarnason - Pescara
Rúrik Gíslason - FCK
Guðlaugur Victor Pálsson - Helsingborg
Sóknarmenn:
Eiður Smári Guðjohnsen - Bolton Wanderers
Kolbeinn Sigþórsson - Ajax
Alfreð Finnbogason - Real Sociedad
Viðar Örn Kjartansson - Jiangsu Guoxin-Sainty
Jón Daði Böðvarsson - Viking
Athugasemdir