„Maður er alltaf ósáttur við að tapa, það þarf að kyngja því," sagði Ólafur Kristjánsson þjálfari Þróttar eftir tap liðsins gegn Þór/KA á Akureyri í kvöld.
Lestu um leikinn: Þór/KA 2 - 1 Þróttur R.
„Vorum að spila við hörku gott lið með öfluga sóknarmenn. Annað markið drap þetta svolítið, mér fannst við byrja leikinn vel. Svo er Þór/KA sterkari en við endum leikinn betur en maður fær ekkert fyrir það."
Þróttarar byrjuðu leikinn mjög vel en tókst þó ekkert að ógna marki Þór/KA.
„Við ráðumst ekki nógu mikið á teiginn þegar Caroline er að brjótast í gegn. Þegar þú skapar þér ekki færi er erfitt að skora. Við erum beittari í seinni hálfleik en markið kemur kannski aðeins of seint. Við vissum að þær lúrðu alltaf á skyndisóknunum þannig þú ert bæði að reyna sækja leikinn og vita af hættunni sem lúrir," sagði Óli.
