Cecilía Rán
Íslenski landsliðsmarkvörðurinn Cecilía Rán Rúnarsdóttir er mætt aftur til æfinga hjá þýska félaginu Bayern München eftir erfið meiðsli en hún greindi frá þessu á Instagram í dag.
Cecilía meiddist á æfingu með Bayern í ágúst á síðasta ári en hnéskelin fór í og úr lið.
28.08.2023 21:30
Cecilía missir af stórum hluta tímabilsins - „Sagði við Gló að það væri eitthvað mikið að"
Endurhæfingaferlið hefur verið langt og strangt en í dag sneri hún aftur til æfinga hjá Bayern.
„Loksins komin aftur á völlinn með liðinu. Gæti ekki verið ánægðari,“ skrifaði Cecilía undir tvær myndir sem hún birti á samfélagsmiðlinum Instagram í dag.
Þetta eru miklar gleðifréttir fyrir bæði Cecilíu og íslenska landsliðsins, sem á tvo mikilvæga leiki gegn Austurríki í undankeppni Evrópumótsins í lok mánaðarins og byrjun júní.
Athugasemdir
