Lestu um leikinn: Njarðvík 2 -  1 Selfoss

Njarðvíkingar fengu Selfyssinga í heimsókn í dag en leikurinn skipti hvorugt liðið miklu máli þar sem Njarðvíkingar höfðu bjargað sér í síðustu umferð með sigri í Ólafsvík og Selfoss hafði tapað fyrir Skagamönnum og var ljóst að þeir myndu falla. 
Leiknum í dag lauk með 2-1 sigri heimamanna.
 
„Þetta var ekki spes leikur fyrir bæði lið en þeir aftur á móti mættu þarna baráttuglaðir og gerðu svo sem vel en við gerðum ekkert spes en við gerðum nóg í dag."
 
Njarðvíkingar höfðu eins og áður sagði þegar tryggt sig upp en var ekkert erfitt að gíra menn upp fyrir þennan leik?
,,Frekar sérstakt myndi ég segja, við settum okkur markmið og okkar aðal markmið var að halda okkur i deildinni."
 
Búast má við að það fari af stað ágætis þjálfarakapall í lok tímabils en verða sömu menn í brúnni hjá Njarðvík næsta sumar?
„Við erum allavega með samning næstu vikuna þannig við verðum allavega þjálfarar félagsins eins og er, ég veit ekki hvernig framhaldið verður". 
 
„Við erum virkilega ánægðir með árangurinn sem liðið hefur náð á síðustu tveimur árum, við fórum nátturlega upp í fyrra og svo núna endum um miðja deild sem er sem er frábært og langt fyrir ofan allar spár þannig að við erum sáttir."
 
Njarðvíkingar tryggði sér sinn besta árangur á Íslandsmóti og menn hljóta að vera sáttir.
„Að vera koma upp sem nýliðar og enda í sjötta ég þekki ekki nákvæmlega tölfræðina á því síðustu ár en það er frábær endir, þetta er ekki sjálfgefið að enda með 27 stig í þessari deild, þetta er erfið deild, flestir strákarnir okkar eru að koma upp úr 2.deildinni og búnir að spila þar allan sinn feril þannig þetta er mikill skóli að koma hingað og spila á allt öðruvísi völlum, allt öðruvísi leikmenn og allt öðruvisi umgjörð þannig það er mjög gott fyrir okkur að klára þetta svona, klára á sigri, klára með krafti."