Cook kemur hér inn á í sinn fyrsta landsleik.
Lewis Cook, miðjumaður Bournemouth, tókst að gera afa sinn 17 þúsund pundum (um 2,3 milljónir íslenskar krónur) ríkari eftir að hann spilaði sinn fyrsta landsleik fyrir England í gær.
England gerði 1-1 jafntefli við Ítalíu í gær og kom Cook inn á sem varamaður fyrir Jesse Lingard þegar rúmar 20 mínútur voru eftir.
England gerði 1-1 jafntefli við Ítalíu í gær og kom Cook inn á sem varamaður fyrir Jesse Lingard þegar rúmar 20 mínútur voru eftir.
Trevor Burlingham, afi Cook, hafði mikla trú á stráknum þar sem hann setti 500 pund (tæpar 70 þúsund krónur) á það fyrir fjórum árum síðan, að barnabarnið myndi spila A-landsleik fyrir 26. afmælisdaginn. Viti menn, Cook tókst það.
Hinn 21 árs gamli Cook hefur leikið 43 leiki fyrir yngri landslið Englands og var fyrirliði U20 landsliðsins sem vann Heimsmeistaramótið í fyrra.
Þetta er stærsta upphæð sem veðbankinn William Hill hefur greitt út í svipuðu veðmáli frá því að afi welska landsliðsmannsins Harry Wilson fékk 125.000 pund (rúmar 17 milljónir ísk.) eftir að hafa veðjað 50 pundum á það að Wilson myndi spila landsleik fyrir Wales.
Afi Wilson lagði peninginn undir þegar drengurinn var nýfæddur, en Wilson er í dag í láni hjá Hull frá Liverpool. Hann er 21 árs.
Sjá einnig:
Veðjaði á barnabarnið sitt og vann milljónir
Athugasemdir
