Garnacho fór mikinn og skoraði tvö mörk gegn Chelsea. United lenti tveimur mörkum undir en kom til baka og var staðan 3-2 þegar uppbótartíminn hófst. Garnacho gerði tvö mörk í endurkomunni.

Leikmaðurinn var tilkynntur sem maður leiksins í útsendingu ESPN og átti hann að fá verðlaunin afhent eftir leikinn en það varð ekkert úr því.

Englendingurinn Cole Palmer skoraði nefnilega tvö mörk seint í uppbótartíma og tryggði Chelsea 4-3 sigur. Palmer skoraði þrennu í leiknum en hann varð 200. leikmaðurinn til að gera þrennu í deildinni.

Palmer var í kjölfarið valinn besti maður leiksins á meðan Garnacho sat eftir með sárt ennið.