Fabio Carvalho leikmaður Liverpool sem er á láni hjá Hull City í Championship deildinni, er að vekja athygli fyrir spilamennsku sína þar.
Kappinn hefur skorað átta mörk í sextán leikjum fyrir Hull síðan hann gekk í raðir liðsins í janúar mánuði. Þar á undan var Portúgalinn á láni hjá RB Leipzig í Þýskalandi en fékk fáa sénsa.
Fabrizio Romano greinir frá því á X í dag að fjölmörg lið séu að sína leikmanninum áhuga. Hann segir að það séu nokkur lið á Ítalíu auk fleiri í Evrópu.
Carvalho er 21 árs gamall en Liverpool keypti hann árið 2022 eftir að hann hafði staðið sig vel hjá Fulham og hjálpað liðinu upp um deild.
Athugasemdir
