En núna segir Sport á Spáni að Börsungar séu aðeins að skoða tvo möguleika.

Það er annað hvort að Rafa Marquez, fyrrum leikmaður Barcelona og núverandi þjálfari unglingaliðs félagsins, taki við stjórnartaumunum eða þá að Xavi hætti við að hætta.

Barcelona heldur enn í vonina að Xavi hætti við að hætta. Hann tilkynnti að hann myndi ganga frá borði fyrir nokkrum vikum síðan þar sem pressan í starfinu væri svo mikil. Félagið vill samt sem áður halda honum.

Ef það gengur ekki eftir, þá er Marquez öflugur kostur þar sem hann myndi ekki biðja um há laun og þekkir hann félagið inn og út.