Norski sóknarmaðurinn Erling Braut Haaland var ekki upp á sitt besta í einvígi Manchester City gegn Real Madrid í 8-liða úrslitum Meistaradeildar Evrópu.
Sparkspekingarnir Jamie Carragher og Roy Keane hafa báðir gagnrýnt Haaland og hæfileika hans undanfarnar vikur.
Keane gekk svo langt að segja að Haaland væri eins og D-deildar leikmaður. Hann væri ekki mikill þátttakandi í spilinu og væri oft klunnalegur og tók Carragher undir það.
Haaland spilaði 180 mínútur í báðum leikjunum gegn Real Madrid, en tókst ekki að komast á blað.
Tölfræðin hans var alls ekki góð í leikjunum tveimur en hann tapaði boltanum 14 sinnum og átti aðeins 11 heppnaðar sendingar.
Haaland hefur í undanförnum leikjum algerlega týnst og velta spekingarnir fyrir sér hvort þessi lægð sé áhyggjuefni fyrir Manchester City.
Haaland var tekinn af velli fyrir framlenginguna í gær en Pep Guardiola segir að hann hafi ekki getað haldið leik áfram og beðið um skiptingu.
Erling Haaland lost possession more times (14) than he completed passes (11) over two legs against Real Madrid.
— ESPN FC (@ESPNFC) April 17, 2024
What a performance by Antonio Rudiger, who also stepped up to take the match-winning penalty for Real Madrid ?? pic.twitter.com/M2z0diL56d
Athugasemdir