Franska blaðið L'Equipe gaf Erling Haaland aðeins 3 af 10 í einkunn fyrir frammistöðu hans í 3-3 leik Manchester City gegn Real Madrid á Spáni í gær.
Blaðið segir Haaland oft eiga erfitt uppdráttar í allra stærstu leikjunum og að Antonio Rudiger, varnarmaður Real Madrid, hafi verið með hann í vasanum.
Haaland hefur týnst í nokkrum stórum leikjum að undanförnu og var ekki áberandi í leiknum í gær. Á síðasta tímabili skoraði hann tólf mörk í ellefu leikjum i Meistaradeildinni og er með sex í átta hingað til.
Blaðið segir Haaland oft eiga erfitt uppdráttar í allra stærstu leikjunum og að Antonio Rudiger, varnarmaður Real Madrid, hafi verið með hann í vasanum.
Haaland hefur týnst í nokkrum stórum leikjum að undanförnu og var ekki áberandi í leiknum í gær. Á síðasta tímabili skoraði hann tólf mörk í ellefu leikjum i Meistaradeildinni og er með sex í átta hingað til.
Þegar kemur að tölfræði yfir vænt mörk þá hefur hann lækkað úr 10,6 niður í 6,4 og þá hefur hlutfall skota lækkað frá 29,3% í 15,8%.
Í úrvalsdeildinni hefur hann skorað nítján mörk í 25 leikjum á tímabilinu en gerði 36 í 35 á því síðasta.
Þá hefur Haaland ekki skorað í þeim þremur leikjum sem hann hefur spilað gegn Real Madrid. Spænska liðið er sá andstæðingur sem hann hefur oftast mætt í Evrópuleikjum án þess að ná að skora.
„Hann virkar alls ekki eins beittur og hann gerði á síðasta tímabili. Hann er magnaður markaskorari en það er eins og menn eigi auðveldara með að halda honum í skefjum," segir enski vængmaðurinn Chris Waddle.
Athugasemdir