Í kvennaknattspyrnunni er það mikið algengara að fótboltamenn stigi fram og viðurkenni samkynhneigð. Guðmundur ræddi við Eddu Garðarsdóttur, fyrrum landsliðskonu og fyrrum þjálfara KR í Pepsi-deildinni, en hún er samkynhneigð.

„Það hefur alltaf verið partur af hópíþróttum að lesbíurnar séu þarna," segir Edda.

„Prósenta þeirra sem koma út úr skápnum er mun lægri karlamegin, í öllum íþróttum. Þú þarft að vera sterkastur, fljótastur og bestur. Þetta er ekki beint staðalímynd hommans."

Einnig var rætt við Sigríði Ásgeirsdóttur, menningarfræðing, en hún vill meina að fótbolta sé svolítið hommaleg íþrótt.

„Fótbolti er náttúrulega svolítið hommaleg íþrótt," segir hún. „Þetta er mikil nánd, mikið knúsast og kysst, klappað á rassa og menn eru mikið naktir saman."

Eins og áður segir hafa ekki margir þekktir fótboltamenn stigið fram og greint frá samkynhneigð sinni. Í þættinum er rætt um hvort það skipti einhverju máli að samkynhneigðir leikmenn eignist sendiherra í hæsta gæðaflokki. Sendiherra á borð við Cristiano Ronaldo. Sigríður segir að svo sé.

„Ég held að það myndi líka hafa mikil áhrif á yngri menn og kynslóðirnar sem kæmu á eftir. Það þarf einhver að rífa plásturinn af, því miður. Ég held að það sé mikilvægt að hann sé góður í fótbolta, það væri mjög áhugavert. Hingað til hafa þetta í besta falli verið miðlungsleikmenn," segir hún.

Smelltu hér til að hlusta á þáttinn í heild. Þættirnir hafa vakið mikla athygli meðal íþróttaunnenda á Íslandi og hafa hlotið lof.

Sjá einnig:
Stuðningsmenn St Pauli gegn hommafóbíu
„Eina eftirsjáin á 11 ára ferli eru árin inn í skápnum"