Franski bakvörður FH-inga í Pepsi-deild karla, Cédric D'Ulivo hefur framlengt samning sinn við félagið til eins árs. Cédric er því samningsbundinn FH út sumarið 2019.
Frakkinn sem verður þrítugur á næsta ári gekk í raðir FH um mitt tímabil í fyrra en meiddist illa rétt eftir komu sína til FH og náði aðeins einum leik með liðinu í Pepsi-deildinni, sumarið 2017.
Hann lék síðan í sumar átta leiki með FH-ingum og skoraði í þeim leikjum eitt mark, í 1-1 jafntefli gegn Fylki.
Cédric var einn af tíu leikmönnum FH í sumar sem voru samningslausir eftir tímabilið.
Fyrr í dag tilkynnti sóknarmaðurinn, Atli Viðar Björnsson að hann væri búinn að leggja skónna á hilluna frægu.
Gleðifréttir fyrir okkur FH-inga. Cédric D'Ulivo skrifaði í dag undir nýjan samning við FH sem gildir út tímabilið 2019. #ViðerumFH #fotboltinet pic.twitter.com/f7eHt09cea
— FHingar.net (@fhingar) October 2, 2018
Athugasemdir