Ian Maatsen leikmaður Chelsea vonast til að vera áfram í herbúðum Dortmund þar sem hann er á láni.
Maatsen hefur staðið sig vel hjá þýska félaginu en hann skoraði m.a. glæsilegt mark í sigri liðsins á Atletico Madrid til að koma liðinu í undanúrslit Meistaradeildarinnar.
Faðir Maatsen, Edward, tjáði sig í samtali við Voetbal International um framtíð sonar síns.
„Maatsen er að þróa sinn leik vel hérna og það er ekki að ganga vel hjá Chelsea síðan breytingar uðru á eignarhaldi félagsins. Margt í kringum það félag snýst um peninga sem virðist skipta meira máli en annað," sagði Edward.
„Það eru fleiri möguleikar í stöðunni en Chelsea og Dortmund en Dortmund hefur verið gott nýtt upphaf. Sjáðu hvaða leikmenn hafa komið héðan, Jude Bellingham og Erling Haaland."
