Mynd: Fótbolti.net - Hafliði Breiðfjörð

Sigurmarkið kom í blálokin frá nafna Guðmundar en hann viðurkennir það að trúin var farin að minnka með hverri mínútu að sigurmarkið myndi koma.

„Ég var alltaf bjartsýnn en því meira sem líður á leikinn verður það alltaf ólíklegra. En við erum með góða menn fram á við til að klára þetta. En mér fannst við spila þetta svolítið upp í hendurnar á þeim með lélegum sendingum sem er ekki gott. En gott að vinna samt sem áður. Þrjú stig sem skiptir máli.“

Guðmundur er ánægður með úrslitin en honum fannst eins og frammistaðan hefði getað verið betri.

„Fyrir mitt leyti voru of mörg skyndiáhlaup sem við þurftum að verjast. Gott að halda hreinu en ég hefði viljað fá færri færi á mig. Súrsætt. Gott að vinna og halda hreinu en við getum betur og eigum að gera betur.“

Það vekur athygli að dómarar deildarinnar eru byrjaðir að spjalda á margt sem margir eru ósáttir með. Guðmundur nennir ekki að vera að pæla mikið í því.

„Ég fékk bara gult fyrir að negla einhvern niður þannig ég verð bara að taka því eins og maður. Ég fagna því að þeir séu að spjalda menn sem eru að sparka boltanum í burtu þegar við erum að taka aukaspyrnu.“ sagði Guðmundur.

„Þetta er eitthvað sem við þurfum að lifa með. Ég nenni ekki mikið að pæla í þessu. Þetta er línan sem þeir eru búnir að setja og við þurfum bara að dansa eftir henni. Ef við förum út fyrir hana þá spjalda þeir. Þetta eru fullt af spjöldum og örugglega margir komnir í bann mjög snemma í mótinu og oft. Ég nenni ekki að eyða orku í þetta. Ég ætla bara að einbeita mér að mér og gera það vel. Þeir hafa talað um þetta í mörg ár að spjalda menn fyrir að mótmæla. En við tökum þessu bara.“ sagði Guðmundur Kristjánsson, fyrirliði Stjörnunnar, að lokum eftir sætan 1-0 sigur Stjörnunnar á Fylki í Árbænum í kvöld.

Viðtalið í heild sinni má sjá í spilaranum hér að ofan.