Gordon Banks með Pele.
Jack Butland, markvörður Stoke, verður í sérstakri treyju til heiðurs Gordon Banks er Stoke mætir Aston Villa í Championship-deildinni á morgun.
Gordon Banks, fyrrum markvörður enska landsliðsins, lést í síðustu viku. Hann var 81 árs gamall og lést eftir baráttu við krabbamein.
Banks var markvörður enska landsliðsins sem vann HM 1966 og þá átti hann mjög fræga markvörslu frá Pele á HM 1970.
Á löngum ferli sínum spilaði hann yfir 600 leiki, flesta með Leicester og Stoke.
Á treyjunni sem Butland mun klæðast verður ekkert merki, enginn styrktaraðili og ekkert nafn. Eins og þetta var í gamla daga. Þetta er eftirlíking af treyju sem Banks klæddist í sigri Stoke á Chelsea í úrslitaleik deildabikarsins 1972.
Macron framleiddi treyjuna og sagði það „heiður" að hafa gert það.
What our number one will be wearing against Aston Villa tomorrow.
— Stoke City FC (@stokecity) February 22, 2019
No badge, no sponsor, no name.
Remembering Gordon Banks OBE. pic.twitter.com/Vlg6aDR8f8
Jack Butland.
Athugasemdir
