Orðrómur hefur verið í gangi síðustu tvær vikur um að Hunter væri með veiruna en það fékkst ekki staðfest fyrr en í dag, þegar hann var lagður inn á spítala.

Hunter var partur af landsliði Englands sem vann HM 1966 en spilaði þó engan leik á mótinu þar sem Jack Charlton og Bobby Moore sáu alfarið um miðvarðarstöðurnar.

Hunter spilaði 28 landsleiki fyrir England og 540 leiki á tíma sínum hjá Leeds, þar sem hann vann efstu deild tvisvar auk FA bikarsins og deildabikarsins.

Eftir leikmannaferilinn gerðist Hunter knattspyrnustjóri. Hann stýrði Barnsley í fjögur ár og Rotherham í tvö ár áður en hann ákvað að kalla það gott 1987.