Það komu tveir Íslendingar við sögu í fyrstu Íslendingaleikjum dagsins, þar sem Mikael Anderson lék allan leikinn í frábærum sigri AGF á útivelli gegn Nordsjælland í undanúrslitum danska bikarsins.
Gestirnir frá Árósum þurftu að taka forystuna þrisvar sinnum til að bera sigur úr býtum þar sem lokatölur urðu 2-3.
Seinni leikurinn fer fram í Árósum og mun sigurliðið mæta annað hvort Silkeborg eða Fredericia í úrslitaleiknum.
Jón Daði Böðvarsson fékk þá að spila síðasta hálftímann í markalausu jafntefli Bolton á útivelli gegn Stevenage í þriðju efstu deild enska boltans.
Bolton er í toppbaráttunni og þarf sigra í næstu leikjum til að eiga möguleika á öðru sæti deildarinnar, sem veitir beinan þátttökurétt í Championship deildina.
Bolton er í þriðja sæti, sex stigum á eftir Derby County í öðru sæti en með leik til góða.
Nordsjælland 2 - 3 AGF
Stevenage 0 - 0 Bolton
Athugasemdir