,,Ég er mjög sáttur við að ná stigi hérna. Víkingar eru með gríðarlega öflugt lið og erfitt að koma hingað þannig að við förum fagnandi með stigið heim," sagði Lárus Orri Sigurðsson þjálfari KF eftir jafntefli við Víkinga í fyrstu deild karla í knattspyrnu í dag.
,,Í fyrri hálfleik vorum við að verjast ágætleg en sókninar voru ekki nógu góðar, við vorum ekki að halda boltanum nógu vel. Við löguðum það í seinni hálfleik og ef þú telur færin í seinni hálfleik að þá held ég að við höfum haft yfirhöndina þar.
Þessi leikur, leikurinn á móti KA og stigið á móti Leikni sýna okkur það að við getum náð í stig hér og þar en við þurfum 24 stig en ekki bara 5 stig. Þessi 5 stig telja lítið ef þau eru ekki í hópi 24 stiga.
Ég ætla að byrja á því að ná 24 stigum. Það er okkar markmið. Ef við náum því sem ég ætla að vona að við gerum og ég ætla að vona að við náum því sem fyrst að þá setjum við okkur ný markmið.
Ég æsi mig aldrei. Er alltaf rólegur."
Nánar er rætt við Lárus Orra í sjónvarpinu hér að ofan.
Athugasemdir
