Portúgalski þjálfarinn Ruben Amorim segist ekki geta lofað því að hann verði áfram þjálfari Sporting Lisbon á næstu leiktíð, en hann hefur verið orðaður við enska úrvalsdeildarfélagið Liverpool síðustu daga.
Xabi Alonso var efstur á blaði hjá Liverpool til að taka við af Jürgen Klopp, en plön Liverpool breyttust þegar Alonso tilkynnti að hann yrði áfram með Bayer Leverkusen.
Amorim tók toppsætið á listanum en hann hefur verið að gera ótrúlega hluti með Sporting síðustu ár.
Enskir fjölmiðlar eru vissir um að hann sé næsti stjóri Liverpool og virðist nú Amorim gefa í skyn að hann gæti verið á förum í sumar.
„Ég get ekki lofað því að ég verði áfram hjá Sporting á næsta tímabili. Ég get ekki sagt það sem Alonso sagði, en við höfum tíma til að ræða framtíð mína og við munum gera það á réttu augnabliki. Núna er einbeiting mín á að vinna titla og síðan kemur hitt í ljós,“ sagði Amorim.
Athugasemdir