Lestu um leikinn: Þýskaland 3 -  1 Ísland

Það má reikna með að andrúmsloftið verði frekar vandræðalegt á æfingasvæði Wolfsburg á komandi dögum þar sem Hendrich braut illa á Sveindísi og tók hana út úr leiknum.

Ef meiðslin eru alvarleg þá mun það hafa áhrif á Wolfsburg á komandi vikum en liðið er meðal annars komið í bikarúrslitaleik gegn erkifjendum sínum í Bayern München.

Sveindís er fljótasti leikmaður Evrópu og það munar um að hafa þannig leikmann í sínu liði, eins og sást í kvöld.

Næsta verkefni Íslands er í lok maí er liðið spilar tvo gríðarlega mikilvæga leiki gegn Austurríki. Sex stig, eða fjögur, geta komið liðinu langleiðina á Evrópumótið. Það er svo sannarlega vonandi að Sveindís verði klár í það verkefni.