Haukar eru C-deildarmeistarar í Lengjubikar kvenna eftir að hafa unnið KR, 2-0, á Ásvöllum í dag.

Heimakonur kláruðu KR-inga á þremur mínútum. Elísabet Ósk L. Servo Ólafíudóttir skoraði á 25. mínútu áður en Halla Þórdís Svansdóttir tvöfaldaði forystuna á 28. mínútu.

Halla Þórdís skoraði alls tíu mörk í Lengjubikarnum fyrir Hauka og var lang markahæst. Haukar unnu alls fimm leiki og gerðu eitt jafntefli.

Haukaliðið mætir því vel gírað inn í Íslandsmótið en liðið leikur í 2. deild. Á síðasta tímabili var það einu stigi frá því að komast upp í Lengjudeild. KR er nýliði í 2. deild þetta tímabilið eftir að hafa fallið úr Lengjudeildinni á síðasta ári.