Ágúst var að vonum svekktur með úrslit kvöldsins
„Við fáum oft mörk á okkur þegar við föllum aðeins niður og það gerðist í dag og búið að gerast í undanförnum leikjum. sagði Ágúst Gylfason, þjálfari Fjölnis í Pepsi deild karla, eftir jafntefli við Stjörnuna á Fjölnisvelli í kvöld.
„Fjórða jafnteflið er staðreynd og dálítið súrt sérstaklega í þeirri baráttu sem við erum. Við erum nokkurn veginn að tryggja okkur um miðja deild. Við höldum bara áfram. Fáum kærkomið frí og fáir leikir eftir. Það verður forvitnilegt hvernig þetta endar allt.“
Okkur líkar vel hérna á heimavelli og sköpum fullt af færum. Að sjálfsögðu þarftu að skora úr þeim til þess að vinna leiki. Við hleyptum Stjörnumönnunum aðeins inn í leikinn hérna í seinni hálfleik og föllum aðeins niður - Bjóðum hættunnni heim og þeir refsa okkur. Frábært mark hjá Guðjóni.“
„Að sjálfsögðu viltu fá vítaspyrnu þegar það lyktar af vítaspyrnu. Samkvæmt mínum mönnum var þetta púra víti.“
Þórður Ingason, aðalmarkvörður Fjölnis var fjarri góðu gamni í dag. Ágúst segir að um agabann hafi verið að ræða.
„Við erum með frábæran markmann, Steinar, sem spilaði í dag. Hann spilaði frábæran leik og var öruggur. Flottur strákur. Þórður var ekki í dag því það var smá agabrot hjá honum þannig hann komst ekki í dag í þessum leik.“
„Það eru tvö stig á Valsarana og að sjálfsögðu reynum við að herja á það. Það hefði verið gott að fá einhverja sigra í þessum síðustu leikjum.“
Athugasemdir
