Elfar í leik með Breiðabliki í sumar.
Danska félagið Horsens er í viðræðum við Breiðablik um að fá varnarmanninn Elfar Frey Helgason á láni.
Eysteinn Pétur Lárusson, framkvæmdastjóri knattspyrnudeildar Breiðabliks, staðfesti þetta í samtali við Fótbolta.net í dag en Óskar Hrafn Þorvaldsson hafði áður greint frá tíðindunum á Twitter.
Horsens vill fá Elfar á láni út tímabilið í Danmörku með möguleika á að kaupa hann í kjölfarið. Því er ekki útilokað að Elfar verði eitthvað með Breiðabliki í Pepsi-deildinni í næsta sumar.
Eysteinn Pétur Lárusson, framkvæmdastjóri knattspyrnudeildar Breiðabliks, staðfesti þetta í samtali við Fótbolta.net í dag en Óskar Hrafn Þorvaldsson hafði áður greint frá tíðindunum á Twitter.
Horsens vill fá Elfar á láni út tímabilið í Danmörku með möguleika á að kaupa hann í kjölfarið. Því er ekki útilokað að Elfar verði eitthvað með Breiðabliki í Pepsi-deildinni í næsta sumar.
Hinn 27 ára gamli Elfar er uppalinn hjá Breiðabliki en hann hefur verið fastamaður í vörn liðsins undanfarin ár.
Árið 2011 fór Elfar til AEK Aþenu í Grikklandi en hann lék einnig með Stabæk í Noregi og Randers í Danmörku áður en hann snéri aftur í Breiðablik árið 2013.
Valur gerði tilboð í Elfar Freyr í haust en Breiðablik hafnaði því. Elfar gæti hins vegar núna verið á leið í danska boltann.
Kjartan Henry Finnbogason spilar með Horsens en nýliðarnir sitja í 7. sæti í dönsku úrvalsdeildinni. Bo Henriksen er þjálfari Horsens en hann þekkir íslensak boltann vel eftir að hafa spilað með Fram, Val og ÍBV á sínum tíma.
Athugasemdir
