Zidane hefur ákveðið þetta.
Það var mikið gert úr því undir lok Pepsi-deildar karla í fyrra að leikmenn Stjörnunnar skyldu ekki standa heiðursvörð fyrir Íslandsmeistara Vals.
Það er hefð fyrir því, bæði hér heima og erlendis, að önnur lið standi heiðursvörð fyrir meistara ef einhverjir leikir eru eftir.
Stjarnan gerði þetta ekki en Víkingur R. gerði þetta fyrir Valsmenn nokkrum dögum síðar (mynd að neðan).
Það er hefð fyrir því, bæði hér heima og erlendis, að önnur lið standi heiðursvörð fyrir meistara ef einhverjir leikir eru eftir.
Stjarnan gerði þetta ekki en Víkingur R. gerði þetta fyrir Valsmenn nokkrum dögum síðar (mynd að neðan).
Nú er komin upp sú umræða á Spáni hvort leikmenn Real Madrid muni standa heiðursvörð fyrir Barcelona ef Katalóníuliðið verður orðið meistari þegar liðin mætast í El Clasico þann 5. maí.
Börsungar eru í góðri stöðu á toppi La Liga eins og er, og eru ágætis líkur á því að liðið verði orðið meistari á þessum tíma. Það kemur hins vegar ekki til greina hjá Madrídingum að standa heiðursvörð að sögn Zinedine Zidane, stjóra Real.
„Við munum ekki standa heiðursvörð, það er mín ákvörðun," sagði Zidane á blaðamannafundi.
Zidane er ekki sáttur með að Barcelona skyldi ekki standa heiðursvörð eftir að Real varð heimsmeistari félagsliða í desember. Því ætla þeir hvítklæddu að svara í sömu mynt.
Athugasemdir
