Tórínóslagurinn í ítölsku A-deildinni fer fram annað kvöld þegar meistarar Juventus heimsækja Torino. Beðið er leiksins með mikilli eftirvæntingu í borginni.
Massimiliano Allegri, stjóri Juventus, hefur verið duglegur að dreifa álaginu á sínum leikmannahópi.
Hann hefur tilkynnt að Mattia Perin muni standa í markinu í leiknum en þessi 26 ára markvörður á tvo landsleiki fyrir Ítalíu. Hann var keyptur frá Genoa í sumar.
Pólverjinn Wojciech Szczesny verður því á bekknum á morgun.
Massimiliano Allegri, stjóri Juventus, hefur verið duglegur að dreifa álaginu á sínum leikmannahópi.
Hann hefur tilkynnt að Mattia Perin muni standa í markinu í leiknum en þessi 26 ára markvörður á tvo landsleiki fyrir Ítalíu. Hann var keyptur frá Genoa í sumar.
Pólverjinn Wojciech Szczesny verður því á bekknum á morgun.
Joao Cancelo og Juan Cuadrado eru á meiðslalistanum og spila ekki á morgun. Úrúgvæski miðjumaðurinn Rodrigo Bentancur tekur út leikbann vegna uppsafnaðra áminninga en hann hefur verið einn besti leikmaður Juventus á tímabilinu.
Juventus er á toppi ítölsku deildarinnar með átta stiga forystu en Torino er í sjötta sæti.
Athugasemdir