Heimild: mbl.is
Ívar Örn Jónsson, vinstri bakvörður HK, meiddist á hné í leik liðsins gegn Vestra. Hann var ekki með liðinu gegn Víkingi á sunnudag vegna meiðslanna.
Ívar sagði við Fótbolta.net að hann vonaðist til þess að krossbandið hefði sloppið. Á mbl.is segir að snúist hafi upp á hnéskelina sem hafi þó haldist á sínum stað. Þar er rifa í liðbandi en Ívar sleppur við að fara í aðgerð.
„Ekki er ljóst hvenær Ívar getur snúið aftur á völlinn en talið að hann verið í það minnsta fjórar vikur frá keppni. Hann spilar varla aftur fyrr en í fyrsta lagi í tíundu umferðinni þann 18. júní," segir í frétt á mbl.is.
Ívar er þrítugur og er alla jafna byrjunarliðsmaður í liði HK.
Athugasemdir