Manchester City gekk á dögunum frá samkomulagi við franska félagið Troyes um kaup á brasilíska vængmanninum Savio, en sá hefur verið að gera frábæra hluti á láni hjá Girona á þessu tímabili.
Girona mun leika í Meistaradeild Evrópu á næstu leiktíð og er það mikið til Savio að þakka.
Fá lið hafa átt í roð í hann en alls hefur hann komið að sautján mörkum í La Liga.
„Þegar ég sá Savio á fyrstu æfingunni sagði ég: „Við munum spila í Evrópu á næsta tímabili“. Hann er ótrúlega sérstakur og í raun besti leikmaður sem ég hef þjálfað,“ sagði Michel.
Savio, sem er 20 ára gamall, mun formlega ganga í raðir Man City í sumar og spila undir stjórn Pep Guardiola.
Athugasemdir