Mitrovic skoraði á síðustu mínútum leiksins, skömmu eftir að Aboubakar Kamara klúðraði vítaspyrnu fyrir heimamenn.

Claudio Ranieri, stjóri Fulham, var ekki sáttur með Kamara, enda átti hann aldrei að taka vítaspyrnuna.

„Ég sagði Kamara að skilja boltann eftir fyrir Mitrovic því hann er vítaskyttan okkar. Kamara hlustaði ekki, hann sýndi mér, félaginu, liðinu og stuðningsmönnum vanvirðingu með þessari ákvörðun sinni," sagði Ranieri.

„Ég er búinn að tala við hann og segja honum að þetta hafi verið rangt. Ég vildi drepa hann þegar hann tók boltann upp."