Arsenal skoraði sex mörk gegn botnliðinu. Sjálfstraust liðsins er í botni og það á besta tíma.

„Frábær frammistaða og aftur stór úrslit fyrir okkur þegar það kemur að mörkunum sem við skoruðum og auðvitað að halda hreinu. Strákarnir hafa sýnt að þeir vilji meira sem er mjög jákvætt,“ sagði Arteta.

„Við skoruðum mörk á móti liði sem er mjög vel skipulagt en við náðum að opna þá þrisvar eða fjórum sinnum. Þetta snýst um að hafa trú á leikmönnunum. Þeir hafa allla burði til að gera þetta og sjálfstraustið hækkar þegar vel gengur. Strákarnir hafa verið frábærir.“

Arsenal á möguleika á því að komast á toppinn um helgina en það þarf að treysta á að Liverpool og Manchester City geri jafntefli og síðan vinna sinn leik.

„Það er rosalega mikið „Ef“. Við verðum að undirbúa leikinn mjög vel og vinna fyrir því að ná í sigur. Sjáum hvað gerist.“

„Orkan er rosalega góð í augnablikinu. Þegar þú ert að vinna þá er allt mun auðveldara og núna er bara að halda skriðþunganum. Maður lærir af öllu. Við vonumst bara til að verða betri og ná í fleiri stig en á síðustu leiktíð. Við fengum nokkra leikmenn til baka, þannig það eru frábærar fréttir og nú keyrum við bara á þetta,“ sagði Arteta.