Hvar endar miðvörðurinn Matthijs de Ligt? Það er stór spurning sem vonandi fer að koma svar við.
De Ligt er sagður vera búinn að ná samkomulagi við Juventus, en Ítalíumeistararnir eiga eftir að ná samningum við Hollandsmeistara Ajax um kaupverð.
Franski fjölmiðlamaðurinn Julien Laurens, sem starfar meðal annars fyrir ESPN, BT Sport og RMC Sport, sagði í dag að Ajax væri með samkomulag við Manchester United og PSG um De Ligt.
Hann telur að Ajax gæti misst þolinmæðina gagnvart Juventus og reynt að selja hann annað hvort til United eða PSG.
„Ég held að það sé möguleiki á því að Ajax missi þolinmæði og hugsi með sér að það sé samkomulag í höfn við PSG og Manchester United og hætti að tala við Juventus," sagði Laurens við ESPN.
„Það þjónar ekki hagsmunum Ajax að eyða meiri tíma í þessa De Ligt sögu."
Ef Ajax ákveður að tala bara við PSG og Man Utd, þá er spurning hvað De Ligt gerir. Þess má geta að umboðsmaður hans er Mino Raiola, sem er einnig umboðsmaður Paul Pogba. Raiola sagði í dag að hann væri að koma Pogba í burtu frá Manchester United.
De Ligt er umtalaðasti ungi varnarmaður heims í dag en hann er 19 ára gamall.
Sjá einnig:
Barcelona heldur í vonina um að fá De Ligt þrátt fyrir samkomulag við Juventus
Julien Laurens: “There’s a chance where Ajax will lose patience and say ‘hang on a minute, PSG agreed, Utd agreed. In that case we stop talking to Juve and De Ligt can choose between the clubs that we actually have an agreement in place.” pic.twitter.com/T96htDWwtx
— Transfer News (@PurelyFootball) July 5, 2019
Athugasemdir