Nemanja Matic, miðjumaður Manchester United, vill ekki bera valmúamerkið á treyju sinni.

Umrætt valmúamerki, rauða blómið sem er um allt á Bretlandseyjum um þessar mundir, er minningarmerki um fallna breska hermenn.

Serbinn segir að merkið minni sig á það þegar þorp hans var sprengt þegar hann var tólf ára gamall.

Í yfirlýsingu á Instagram segist hann virða þá sem ákveða að bera merkið og að hann sýni þeim samúð sem hafa misst ástvini í stríði.

Merkið minni sig þó á þegar hann var dauðhræddur tólf ára strákur í Vrelo. Honum þyki ekki rétt að hann beri merkið á sinni treyju.