Sporting 1 - 1 Atalanta
1-0 Paulinho ('17 )
1-1 Gianluca Scamacca ('39 )
1-0 Paulinho ('17 )
1-1 Gianluca Scamacca ('39 )
Sporting og Atalanta gerðu 1-1 jafntefli í fyrri leik liðanna í 16-liða úrslitum Evrópudeildarinnar í kvöld.
Brasilíski leikmaðurinn Paulinho kom Sporting í forystu á 17. mínútu eftir að Trincao sendi hann í gegn en Atalanta jafnaði rúmum tuttugu mínútum síðar með marki Gianluca Scamacca.
Bæði lið fengu góð færi til að bæta við mörkum. Emil Holm og Ademola Lookman áttu skot í stöng fyrir Atalanta og þá stangaði Sebastian Coates, varnarmaður Sporting, boltanum í tréverkið í síðari hálfleik.
El Bilal Toure taldi sig hafa gert annað mark Atalanta á 87. mínútu. Framherjinn skoraði af stuttu færi en markið var dæmt af vegna rangstöðu.
Lokatölur 1-1. Síðari leikurinn fer fram á heimavelli Atalanta í Bergamó.
Athugasemdir