Í nóvember á síðasta ári tryggðu lærisveinar Heimis Hallgrímssonar sér í Jamaíku sæti í undanúrslitum Þjóðadeildarinnar og um leið sæti á Copa America. Jamaíka vann einvígi gegn Kanada til að komast í undanúrslit keppninnar.
Jamaíka mætir Bandaríkjunum í undanúrslitum síðar í þessum mánuði en Heimir sat fréttamannafund ásamt kollegum sínum fyrr í þessari viku.
Á fréttamannafundinum var Heimir spurður að því hversu nálægt Jamaíka væri að vinna stóra leikinn sem stuðningsmenn liðsins hafa verið að bíða lengi eftir.
„Við erum tveimur vikum frá því," sagði Heimir og leit til hliðar á Gregg Berhalter, þjálfara Bandaríkjanna, og hló.
Heimir sagði á fundinum að hann væri að vonast eftir því að Jamaíka væri að loka bilinu í Bandaríkin og Mexíkó, þessi stóru lið. „Okkar markmið er að komast á HM 2026 og þessir leikir hjálpa okkur."
Jamaica head coach Heimir Hallgrímsson was asked how close they are to getting that breakthrough win against a big team.
— Anthony (@anthonykyaw) March 7, 2024
Hallgrímsson looks at his watch, then looks at Gregg Berhalter, and says “two weeks.” ????
Jamaica will play the USMNT in the Nations League semifinal. ???? pic.twitter.com/xyjG5ZdSQn
Athugasemdir