Gylfi er í holunni.
Moutinho byrjar hjá Úlfunum.
Gylfi Þór Sigurðsson er á sínum stað í byrjunarliði Everton þegar liðið heimsækir nýliða Úlfanna í ensku úrvalsdeildinni í dag. Þetta er lokaleikur dagsins í deildinni.
Þetta er mjög áhugaverður leikur. Bæði lið fengu marga nýja leikmenn í sumar. Everton krækti í Richarlison frá Watford, Kurt Zouma frá Chelsea, og Yerry Mina, Andre Gomes og Lucas Digne, en þeir komu allir frá Barcelona.
Wolves hefur verið í nánu samstarfi við portúgalska umboðsmanninn Jorge Mendes. Ellefu leikmenn voru fengnir í sumar, þar á meðal portúgölsku landsliðsmennirnir Rui Patricio og Joao Moutinho. Lið Úlfanna var mjög sterkt fyrir og rúllaði liðið yfir Championship-deildina í fyrra.
Everton er spáð sjöunda sæti ensku úrvalsdeildarinnar af Fótbolta.net og Úlfunum er spáð 11. sæti.
Richarlison byrjar hjá Everton, en Zouma, Gomes og Mina eru ekki í hóp. Zouma, Gomes og Mina eru allir nýkomnir. Lucas Digne er á varamannabekknum.
Hjá Úlfunum er vert að fylgjast með Ruben Neves og Moutinho á miðjunni.
Byrjunarlið Úlfanna: Patricio, Doherty, Bennett, Bony, Coady, Jonny, Neves, Moutinho, Costa, Jiminez, Jota.
(Varamenn: Ruddy, Enobakhare, Gibbs-White, Saiss, Vinagre, Hause, Bonatini)
Byrjunarlið Everton: Pickford, Coleman, Jagielka, Keane, Baines, Gueye, Schneiderlin, Walcott, Sigurdsson, Richarlison, Tosun.
(Varamenn: Stekelenburg, Holgate, Digne, Davies, Sandro, Niasse, Calvert-Lewin)
Sjá einnig:
Gylfi fær að spila á miðjunni - Ánægður með Marco Silva
👕 | Team news is in for our opening-day clash with @Wolves! #EFCawayday
— Everton (@Everton) August 11, 2018
✅ @richarlison97 debut
🇫🇷 @LucasDigne among the subs pic.twitter.com/4oqSg1wdMz
Athugasemdir
