Alls eru sex íslenskir þjálfarar að taka UEFA Pro þjálfaragráðuna þessa dagana eða að hefja nám. UEFA Pro er æðsta þjálfaragráðan í Evrópu og í áraraðir hefur KSÍ einungis átt kost á að leyfa einum þjálfara að fara í námið á hverju ári með hjálp frá enska knattspyrnusambandinu.
KSÍ hefur nú náð samkomulag við fræðsludeildir eftirfarandi knattspyrnusambanda um að fá að senda 1-2 þátttakendur á UEFA Pro námskeiðin:
Noregur - Óli Stefán Flóventsson og Kristján Guðmundsson hefja nám síðar á árinu.
Svíþjóð - Rúnar Páll Sigmundsson byrjaði þar í janúar 2018.
Danmörk - Freyr Alexandersson byrjaði þar í janúar 2018.
Skotland - Þorlákur Árnason er að klára námið og umsóknir opnar fyrir nýtt nám 2019-2020.
England - Eyjólfur Sverrisson kláraði í sumar.
Írland - Opnar fyrir umsóknir fljótlega
N. Írland - Hermann Hreiðarsson í námi og opnar fyrir umsóknir fljótlega.
Athugasemdir