Victor Moses, leikmaður Chelsea, er á leið til tyrkneska félagsins Fenerbahce á láni en gengið verður frá félagaskiptunum í dag.
Nígeríumaðurinn var fastamaður sem vængbakvörður í 3-4-3 leikkerfi Antonio Conte þegar Chelsea varð meistari tímabilið 2016/2017.
Eftir að Maurizio Sarri tók við síðastliðið sumar og fór í 4-3-3 hefur Moses verið úti í kuldanum.
Samtals hefur Moses einungis leikið fimm leiki í öllum keppnum með Chelsea í vetur.
Félög í Kína sýndu Moses áhuga en hann hefur ákveðið að fara til Tyrklands á láni.
Athugasemdir