Hinn ungi og efnilegi leikmaður Breiðabliks, Brynjólfur Darri Willumsson í Pepsi Max-deildinni leikur í treyju númer 45 með Breiðabliki. Það er ekkert að ástæðulausu.
Brynjólfur Darri er nefnilega númer 45 vegna átrúnaðargoðsins, Mario Balotelli leikmanns Marseille í Frakklandi.
Gunnar Birgisson opinberaði þetta í nýjasta Innkastinu hér á Fótbolta.net og Brynjólfur hefur staðfest það.
Brynjólfur Darri er nefnilega númer 45 vegna átrúnaðargoðsins, Mario Balotelli leikmanns Marseille í Frakklandi.
Gunnar Birgisson opinberaði þetta í nýjasta Innkastinu hér á Fótbolta.net og Brynjólfur hefur staðfest það.
„Ég elskaði Balotelli alltaf þegar ég var lítill og geri enn í dag," sagði Brynjólfur Darri og bendir á að þeir eigi afmæli sama dag, þann 12. ágúst. Balotelli er hinsvegar fæddur árið 1990 á meðan Blikinn er fæddur árið 2000.
„Mér fannst alltaf eitthvað nett við 45 númerið og ég hef alltaf langað að vera númer 45," sagði Brynjólfur Darri en Balotelli hafði leikið í treyjunúmer 45 áður en hann fór til Frakklands og gekk í raðir Nice og í kjölfarið Marseille. Vegna reglna í Frakklandi verða allir leikmenn að spila í treyjum frá 1-30.
Hann segist ekki hafa fylgst mikið með Balotelli síðan hann fór til Frakkalands.
„Ég horfi samt oftast á svipmyndir úr leikjunum hans á Youtube og fylgist síðan vel með á Instagram."
Brynjólfur Darri segist hafa fylgst vel og lengi með Balotelli.
„Ég hef alltaf haft gaman af honum utan vallar líka og byrjaði meiri segja í 6. flokki að vera alltaf með hanakamb eins og hann," sagði Blikinn ungi og efnilegi sem hefur spilað með hanakamb í fyrstu leikjum Pepsi Max-deildarinnar.
„Ég er hinsvegar alltaf að breyta til. Það er aldrei að vita hvort ég láti kambinn fjúka en kannski fær hann að lifa lengur," sagði Brynjólfur Darri Willumsson að lokum.
Athugasemdir