Heimir er á öðru tímabili sínu með HB en hann gerði liðið að meisturum á síðustu leiktíð og þá varð liðið bikarmeistari á þessu tímabili.

Ólafur Jóhannesson er hættur með Val og hefur Heimir verið orðaður við stöðuna en búist er við því að hann taki við liðinu á næstu dögum.

Heimir ræddi við færeyska fjölmiðla eftir 2-2 jafntefli HB gegn B36 í dag en þar segir hann að ákvörðun verði tekin í þessari viku.

„Ég mun ákveða framtíð mína í þessari viku. Ákvörðun mun liggja fyrir á miðvikudag eða fimmtudag," sagði Heimir við Heri Simonsen hjá INFO.