Hinn funheiti Aron Jóhannsson hefur neyðst til að draga sig úr íslenska landsliðshópnum vegna nárameiðsla.
Aron hefur skorað 11 mörk í síðustu sex leikjum með félagi sínu AGF í Danmörku og var því kallaður inn í landsliðið sem mætir Sviss og Albaníu í undankeppni HM.
Vefmiðillinn 433.is greinir frá því í morgun að Aron hafi átt við meiðsl í nára að stríða undanfarið og hefur hann því ákveðið að draga sig úr hópnum til að jafna sig af þeim.
Aron skoraði síðast í gær með AGF, en þá skoraði hann af vítapunktinum í 3-0 sigri á SonerjyskE í dönsku úrvalsdeildinni.
Hann er markahæðsti leikmaður deildarinnar sem stendur og skrifaði hann í vikunni undir nýjan samning hjá félaginu.
Athugasemdir